சைபர் கிரைம் தளம்: கனடாவிலும் கைது

 

சைபர் கிரைம் தளமான 'கோஸ்டி'யை ஆஸ்திரேலிய காவல்துறை அகற்றியது கனடா உட்பட உலகளவில் பல கைதுகளுக்கு வழிவகுத்தது. இந்த செயலியின் நிர்வாகி ஜெய் ஜே யூன் ஜங் (32) உள்பட 51 பேர் கைது செய்யப்பட்டனர். ஒரு குற்றவியல் அமைப்பை ஆதரித்தது மற்றும் குற்றத்தின் வருமானத்தைப் பயன்படுத்துவது உள்ளிட்ட குற்றச்சாட்டுகளின் பேரில் ஜங் சிட்னி நீதிமன்றத்தில் ஆஜர்படுத்தப்பட்டார். ஜங் ஜாமீன் கோரி விண்ணப்பிக்கவில்லை. இந்த வழக்கு நவம்பர் மாதம் விசாரணைக்கு வருகிறது. அதுவரை ஜங் சிறையில் இருப்பார்.

கனடா, ஸ்வீடன், அயர்லாந்து மற்றும் இத்தாலி ஆகிய நாடுகளில் சட்ட அமலாக்க முகமைகள் நடத்திய சோதனையில் 38 சந்தேக நபர்கள் கைது செய்யப்பட்டதாக ஆஸ்திரேலிய பெடரல் போலீஸ் துணை ஆணையர் இயன் மெக்கார்ட்னி தெரிவித்தார்.

வரும் நாட்களில் மேலும் பலர் கைது செய்யப்படுவார்கள் என்று எதிர்பார்க்கிறோம் என்று காவல்துறை அறிக்கையில் தெரிவிக்கப்பட்டுள்ளது. 2017 ஆம் ஆண்டில் குற்றவியல் பயன்பாட்டிற்காக ஜங் இந்த செயலியை உருவாக்கியதாக காவல்துறை குற்றம் சாட்டுகிறது.