விமானம் ஓடுபாதையில் இருந்து தவறி விழுந்து விபத்துக்குள்ளானதில் 18 பேர் உயிரிழந்தனர்

 

காத்மாண்டு: நேபாளத்தில் விமான விபத்தில் 18 பேர் உயிரிழந்தனர். காத்மாண்டுவில் உள்ள திரிபுவன் சர்வதேச விமான நிலையத்தில் இருந்து புறப்படும் போது விமானம் ஓடுபாதையில் இருந்து சறுக்கி விழுந்து தீப்பிடித்தது. 18 உடல்கள் கண்டெடுக்கப்பட்டதாகவும், விமானி ஆபத்தான நிலையில் இருப்பதாகவும் நேபாள ஊடகங்கள் செய்தி வெளியிட்டுள்ளன.

பொக்ராவுக்கு புறப்பட்ட ஷௌர்யா ஏர்லைன்ஸ் விமானம் விபத்துக்குள்ளானது. எரிந்த விமானத்தின் சிதைவுகளின் படங்கள் மற்றும் வீடியோக்கள் ஊடகங்களால் வெளியிடப்பட்டுள்ளன. தற்போது தீ கட்டுக்குள் கொண்டுவரப்பட்டுள்ளதாக தெரிவிக்கப்படுகின்றது. விமானத்தில் பணியாளர்கள் மற்றும் தொழில்நுட்ப ஊழியர்கள் உட்பட 19 பேர் இருந்தனர்.

இச்சம்பவம் புதன்கிழமை காலை 11 மணியளவில் இடம்பெற்றுள்ளது. காயமடைந்த விமானி எம்ஆர் ஷக்யா காத்மாண்டு மருத்துவக் கல்லூரி மருத்துவமனைக்கு மாற்றப்பட்டதாக செய்தி நிறுவனம் பிடிஐ தெரிவித்துள்ளது. விமானம் ஓடுபாதையில் இருந்து எப்படி தவறி விழுந்தது என்பது தெரியவில்லை. திரிபுவன் நேபாளத்தின் முக்கிய சர்வதேச மற்றும் உள்நாட்டு விமான நிலையமாகும்.