எட்மண்டனில் வாகன திருட்டுகள் அதிகரித்து வருவதாக எட்மன்டன் பொலிஸ் சேவை தெரிவித்துள்ளது. காவல்துறையின் கூற்றுப்படி, 2023 இல் நகரில் 4,714 வாகனங்கள் திருடப்பட்டுள்ளன. 2022ஆம் ஆண்டுடன் ஒப்பிடுகையில் 7.6 வீத அதிகரிப்பு பதிவாகியுள்ளது. கடந்த மூன்று ஆண்டுகளில் வாகனத் திருட்டுகள் 26 சதவீதம் அதிகரித்துள்ளதாக இபிஎஸ் தெரிவித்துள்ளது.
கடந்த ஆண்டு, வாகன திருட்டு வழக்குகள் தொடர்பாக 490 கைதுகளை EPS பதிவு செய்தது. 1,700 க்கும் மேற்பட்ட குற்ற வழக்குகள் பதிவு செய்யப்பட்டன. பதினெட்டு மில்லியன் டொலர் பெறுமதியான திருடப்பட்ட வாகனங்களும் உபகரணங்களும் மீட்கப்பட்டன. வாகனத் திருட்டு தொடர்பான வன்முறைகளும் அதிகரித்து வருவதாக காவல்துறை தெரிவித்துள்ளது.
இதேவேளை, வாகனத் திருட்டுச் சம்பவங்கள் அதிகரித்துள்ள நிலையில், மீட்கப்படும் வாகனங்களின் எண்ணிக்கையும் குறைந்துள்ளதாக பொலிஸார் குறிப்பிட்டுள்ளனர். திருடப்பட்ட வாகனங்கள் வெளிநாடுகளுக்கு அனுப்பப்படுவதே வாகனங்களை கண்டறிவதில் பின்னடைவுக்கு முக்கிய காரணம் என பொலிஸார் சுட்டிக்காட்டுகின்றனர்.